DISKOMO

Diskomo var upphaflega stofnað sem útgáfufyrirtæki árið 2004, nokkurs konar regnhlíf yfir mismunandi tónlistarverkefni eigenda þess. Aldrei varð nú neitt úr alvöru útgáfu á neinu, nema þá bara í netheimum. Nokkur lög með The Funmachine voru aðgengileg á þáverandi síðu Diskomo (og má reyndar ennþá finna lögin ef vel er leitað). Önnur prójekt sem lítið varð úr voru Popular Sports, Bad Plastic Surgeries og Pedro Orange. Án þess að hafa afrekað neitt þá var nú samt stofnuð deild í Svíþjóð árið 2005 sem regnhlíf yfir nokkrar þarlendar tilraunasveitir. Diskomo gerðist nú samt það frægt að minnst var á það í umfjöllun um útgáfufyrirtæki í netheimum í DV síðla árs 2005 (lógóið birtist meira að segja með greininni). Haldið var upp á það með vínberjaáti.

Nú hefur Diskomo gengið endurnýjun lífdaga sem mp3-veita og munu reglulega birtast hér áhugaverðar og spennandi hljóðskrár úr óravíddum alheimsins.

pv